الوان الكيف السبعة

أحمر
دمي المسحوب على سيف هامان
وأنا عامل ناسي وبتخبط في ما بين البين
ولا عارف أعمل حالة فوق توهان
ولا شئ نافع
وانا فوق الحبل وبتنطط
دمي ينقط
ويبوس الأرض العطشانة
فبتنكر لونه
وتسود وترجع مسافات
ووريدي النازف حبل اتعلق فوقه كتير من امانيا
أو غصن خضار يتغرد فوقه الشعر
معاه غنوة من غناويا
وما زال الوقت الحالي بيسرق نفسه
ويسرق سر العمر معاه 

أخضر 
مش لون الأرض
ده خيالي
لما يشعشع م الفحم لهيب
وانهي التعب المليان تغريب
واسرح وأغيب...
في الملكوت
وأداري العمر من الموت ...
جوه جيوبي
فالقاني خلاص فلست
انا أصلي ما ليشي جيوب
وبنام واتضايق
لما تصحيني كرابيج النور
واخد عالضلمة وأقله ما فيهاش مشاوير
ولا طالع نازل على فكة أحلام

أبيض

دخان بيدور فـ كاسات
شايل سؤالين
رايحين على فين ؟
ولأمتى هانفضل تحت الأرض وفاكرين ...
إننا طايرين جوه السموات ؟
وده لون سحابات الحلم المتعلق على قرش بياض
وده لون القلب اما بنبقى ...
عايشين في الدنيا حلاوة روح 

أزرق 
لون المسافات
لما بتبعد وبتبقى سنين
لو قال البحر ان ده لونه ...
راح اقول كداب
حتى ولو شفت أمواجك لون المسافات
راح يفضح أمرك أول خيط من حضن الليل
وانا غايب جوه الخبط ...
اتشال واتحط
كأن العفاريت ركباني
وانا جوه الزار
فـ مدار ..... مقفول برحع لبداية أيامي
لكن هلكان 

بني
لون الفناجين
لون التايهين
لون الساكتين
لون اللي مالوش في اللون
ووشوش م الخشب المتقطع مقاسات واحدة
مطاطية لتحتْ
لون الأحلام قبل ما تيجي ...
وتقلب كوابيس
لون تسليم الراية للغرب في ساعة ضرب 


أصفر
مسكين
زيي
ومالوش اصحاب
من كتر الغل اللي بيجري جوه شقوقه
( وده مش زيي )
ده كيف العايش بإتاوة فـ ظل القوانين
قوانين تفصيل
على قد مقاس اللعبة اللي بيلعبها ولاد الليل
والمووايل
طرحت فـ الصحرا أشواك
بتسم اللي يغنيها وما تسمش جلد منحس
واخد على عض الجوع قبل ما يشبع
واخد عالورقة الصفرا بيكرهها
ويحب الخضرا عشان الماما...
ما تلسعهوش بالأح
ما تصدمهوش بالبح
الأصفر لوننا
جمال تجتر الأكلة
وتجتر المية
وتجتر الحلم
ولون الصبر اما بيزهق على خلق الله 


إسود
ملك الألوان
والحزن كمان ....
ملك الأحاسيس
الإسود لون الأحزان
مدهونة الأحزان بالليل
مكتوبة بلغة الإنسان ...
والفضا واسع واسود
ويساع أيام من وئمه ولونه
والإسود
لون النيل
لما تغيب الحضرة ...
على إيد سجان 

آخر قولي 
العين باتنين
والسن بألفين
والبادي يقول اللي فـ نفسه
والقاضي اطرش
مش سامع غير تقارير وأوامر ساري العسكر
راح تفرق إيه
الحكم خلاص طالع أصلا قبل الجلسة
يبقى نعدد على مين
وننوح على مين
واحنا بتوع الـ مستورة وعال العال
بنعيش بكيوف
ونبوس فـ سيوف اللي قاطعنا
وبنرسم خطاوينا بألوان الكيف
نتمرمغ في تراب الزيف
على حد السيف ....
كلنا واقفين
بنقول إحنا ... ألوان الكيف

هى دى مصر يا عبلة --وحقيقة رجل المخابرات رفعت عثمان اللى قام بدوره محمود ياسين

أيمن عثمان من صفحة تراث مصرى

هى دى مصر يا عبلة ..
الجملة الأشهر فى السينما المصرية ، ورغم إن الجملة قيلت قبل تتر النهاية بلحظات لكنها ظلت لسنوات هى العنوان البديل والأشهر لفيلم ( الصعود إلى الهاوية ) سنة 1978 المأخوذ من واقع ملفات المخابرات المصرية عن حياة الجاسوسة ( هبة سليم )
عبلة كامل ( هبة عبد الرحمن سليم ) فتاة مصرية تعشق الحرية المطلقة ، تعتقد أن إسرائيل دولة عظمى لا يمكن قهرها ، وأن على العرب التقرب من الكيان الصهيونى للإستفادة من تقدمها وتقربها من أوربا ، سافرت إلى فرنسا لإستكمال دراستها الجامعية ، إنغمست هناك فى حياة الهيبز والخمر والجنس والسحاقة ، وكان تجنيدها فى الموساد أمر سهل للغاية بسبب أفكارها حتى أنها رفضت تقاضى أى أموال مقابل تجسسها على مصر ( متبرعة خيانة ) ، وإستطاعت أن تجند الضابط فاروق الفقى
( كانت تمر عليه مستندات خطة حرب أكتوبر ) الذى كان يهواها ويطاردها عندما كانت عضوة فى نادى الجزيرة ، تسببا فى إستشهاد العشرات من الجنود المصريين أثناء حرب الإستنزاف فكانت إسرائيل تضرب منصات المدفعية المصرية أثناء إنشائها إعتمادا على المعلومات المسربة من فاروق الفقى لـ هبة سليم، عندما سقط فاروق الفقى إعترف على هبة سليم ، فأمر السادات بإستدراجها إلى مصر والقبض عليها بأى ثمن ..
فكانت خطة القبض عليها وإستدراجها إلى ليبيا وخطفها بطائرة مصرية من أذكى الخطط المخابراتية ، قام بوضعها ضابط المخابرات العبقرى الفريق رفعت عثمان
---------
ما لم يذكره الفيلم ...
- أثناء وجود هبة سليم فى فرنسا طلبوا منها السفر لــ إسرائيل ، وتم إستقبالها إستقبال الملوك ورؤساء الدول وقابلت ( جولدا مائير ) التى قالت لها : لقد قدمتِ خدمات لـ إسرائيل لم يقدمها زعماء إسرائيل ..
بعد القبض عليها طلبت جولدا مائير من هنرى كسينجر ( رئيس خارجية أمريكا اليهودى ) التوسط لدى السادات للإفراج عنها ، لكن السادات أخبره أنها أعدمت اليوم ،
وتم إعدامها أثناء زيارة كسينجر لمصر خوفا من تعطل مفاوضات كامب ديفيد .. وبكتها جولدا مائير .
أما شريكها فاروق الفقى فقد أعدمه ( بالرصاص ) رئيسة المباشر بعد إستإذان السادات ، ورئيسه قدم إستقالته لإحساسه بالذنب بسبب تسرب المعلومات من مكتبه .
رصدت إسرائيل 2 مليون دولار لمن يغتال البطل المصرى رجل المخابرات الفريق رفعت عثمان جبريل وأطلقت عليه لقب ( الثعلب ) .
كان للفريق رفعت عثمان دور هام جدا فى زرع ( رأفت الهجان ) داخل إسرائيل
قام الفنان محمود يس بدور البطل رفعت عثمان فى الفيلم ، وقام الفنان نور الشريف بدور البطل رفعت عثمان فى بطولة مخابراتية أخرى له فى مسلسل الثعلب سنة 1993 .

توفى الثعلب المصرى فى ديسمبر 2009 دون أن تتمكن الموساد من الوصول إليه..
رحم الله ثعلب مصر الأمين سيادة اللواء رفعت عثمان جبريل

هى دى مصر يا عبلة .. فيلم من أروع وأصدق وأرقى من أفلام كتير من عينة .. خالتى بتسلم عليك.
----------------
http://www.facebook.com/photo.php?fbid=10150563158342975&set=a.10150326200207975.389306.720542974&type=1&theater



--------------------------------------

------------------
يسعدنى وجودكم فى صفحة تراث مصرى