لما
نبقى شعب وصل ان التحرش الجنسى بالسيدات اصبح مهنة – حتى لو كان اللى ورا
المتحرشين دول اجهزة امنية – يبقى ازاى شعب متدين ؟
نفسى
اعرف ايه اللى بيشعر بيه اى حيوان لما يقول كلمة وسخة لبنت ، ايه يعنى وجه
الاستفادة اللى بيستفيدها ، افيدونا ،افادكم الله يا شعب متدين .
ومش
بستغرب من المتحرشين على اد مابستغرب من اللى بيدافعوا عنهم والاسباب موجودة
ومتفصلة زى قوانين النظام الحاكم عندنا :
1- مرة عشان البنت مش
عارفة لبسها عامل ازاى.
2- مرة الشباب معذور عشان
مفيش جواز وهرمونات اللى جابوه ناقحة عليه
3- مرة بحجة اللى بيشوفه
يا عين امه فى التلفزيون بيهيج اهله
4- مرة عشان الحالة
الاقتصادية
5- مرة اصل عشان حالة امه
النفسية مش عارفة فيها ايه ولازم نعامله على انه مريض نفسى ونعالجه
6- ومرة اصل التحرش ظاهرة
عالمية
يخرب بيوتكم ،انتوا بتتكلموا ازاى ؟؟؟؟؟؟؟؟
وهو الدين قالك ، لو فى فلوس صاحبها غافل عنها ،
يبقى لك الحق تاخدها ، يا شعب متدين؟
وهو الدين قالك ، لو باب بيت مفتوح واصحابه مش
فيه ، تدخل تسرق يا شعب متدين ؟
مش عارفة بتجيبوا منين هذا القدر من البجاحة ،انت
البنت تستاهل التحرش بسبب لبسها ، منين المنطق ده يا شعب متدين بطبعه ؟
التحرش بيتم للكل حتى المنقبة اللى مش ظاهر منها
حاجة الا عنيها وبستات كبار فى السن ، واللبس مش مبرر ،اشمعنا لما بتسافروا برة
،الواحد بيبقى زى الكلب وميقدرش يفتح بقه نرغم ان اللبس برة مكشوف عن هنا بمراحل. ملهاش
مبرر غير انك حيوان ،يخاف وميختشيش
والتحرش بيحصل حتى من ناس كبيرة فى السن ومتجوزة
وناس راكبة عربيات فخمة يعنى لا الجواز ولا الحالة الاقتصادية لهم ذنب
المتحرش مش مريض نفسى ، مجرد واحد عارف ان مفيش
رادع فبيستحل البنت اللى قصاده على قد مايقدر ، لان المجتمع ابن الوسخة فهمه ان
البنت حاجة اقل منه شأنا وانه المفروض يفرض سيطرته الذكورية عليها ، لما يجتمع
الحاجتين دول مع بعض ، بيظهر المتحرش ويظهر اللى يدافع عنه.
ولا القهر ولا الظلم ولا الكلام الفاضى اللى
بنسمعه ، اذا كان النظام الحاكم بيقهر الرجل ،فهو بيقهر المرأة برضو ، فبلاش
تلاكيك لتبرير جريمة انا شايفاها اشنع حتى من جريمة القتل ، ولازم لها قانون رادع
يطبق بحزم على الحيوانات الطليقة فى المجتمع اللى خطرها بيتستفحل يوم ورا يوم .
انا حرة فى اى حاجة اعملها طالما لا اتعدى على
حرية او حق احد ،وكفاية تعريص ولا احنا شعب معرص بطبعه ؟
